Di Kaprio we Skorseze ýene bile işleşer: täze “Ak şäherdäki melgun” filmine garaşylýar

  • 25.01.2025 10:42
  • 3.9k+

Golliwudyň meşhur ýyldyzy Leonardo Di Kaprio we Martin Skorseze ýene-de bilelikde işlemäge taýýarlanýar. Bu gezek režissýor “Oskar” alan aktýor Erik Larsonyň “Ak şäherdäki melgun” (The Devil in the White City) kitabynyň ekranlaşdyrmasynda düşürer diýip, Deadline habar berýär.

Taslama 1893-nji ýylda Çikagodaky Bütindünýä sergisi wagty bolup geçen wakalara bagyşlanýar. Larsonyň kitaby iki ugurdaş wakany gürrüň berýär: serginiň gurluşygyna ýolbaşçylyk eden binagär Daniel Bernem barada we azyndan 27 adamy pidasyna öwren şol wagtky ganhor G.G.Holms barada.
Film 20 ýyldan gowrak wagt işlendi, indi bolsa 20th Century studiýasy tarapyndan önümçilige goýberildi.
Di Kaprio baş keşp barada gepleşik geçirýär, häzirlikçe onuň kimiň roluny: Bernemi ýa-da Holmsy oýnajakdygy belli däl. Öň, Di Kaprio 2010-njy ýylda ekranlaşdyrma üçin hukuk alanda, onuň ganhoryň keşbinde peýda boljakdygy çak edildi. Öz gezeginde, Skorseze hem režissýorlyk kürsüsi barada gepleşikleri geçirýär. Olaryň ikisi-de lentanyň prodýuserleri bolup çykyş eder.
Di Kaprio we Skorseze üçin bu film ýedinji bilelikdäki iş bolar. Mundan öň olar “Nýu-Ýorkuň bandalary” (Банды Нью-Йорка), “Awiator” (Авиатор), “Merhumlar” (Отступники), “Näletlenenleriň adasy” (Остров проклятых), “Uoll-stritiň möjegi” (Волк с Уолл-стрит) we “Gül Aýynyň ganhorlary” (Убийцы цветочной луны) ýaly meşhur filmleriň üstünde işledi.
Eger film düşürilse, onda “Ak şäherdäki melgun” (Дьявол в Белом городе) Skorsezäniň 2016-njy ýyldaky “Ümsümlik” (Молчания) filminden soň ilkinji kinoteatr relizi bolar. Režissýoryň ondan soňky filmleri akym platformalarynda çykypdy.
Ilkibaşda “Ak şäherdäki melgun” kitaby boýunça Hulu üçin teleserial düşürmek meýilleşdirilipdi, ýöne 2023-nji ýylda bu taslama ýatyryldy. Indi waka doly metražly film görnüşinde öz beýanyny tapar.


şu gün 11:02
2.9k+

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...

şu gün 09:20
936

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

şu gün 09:06
1.9k+

Paramount Jeki Çanyň we Kris Takeriň gatnaşmagynda «Dykyn wagty 4» filmini çykarar

Paramount studiýasy komediýa görnüşli «Dykyn wagty» («Час пик») uruşly filminiň dördünji bölümini çykarmak barada şertnama baglaşdy. Täze filmiň režissýory franşizanyň öňki bölümleriniň ählisini düşüren Brett Retner bolar...

düýn 11:39
4.8k+

Variety ähli döwrüň iň gülkünç 100 komediýasyny saýlady

Variety žurnaly ähli döwrüň iň gowy 100 komediýasynyň reýtingini hödürledi. Žurnalistler sanaw düzülende filmiň klassyk bolmagyna täsir edýän faktorlary göz öňünde tutmaga çalyşdy, ýöne esasy görkeziji filmiň näderejede gülkünçdigi boldy...