Ford kompaniýasy 12 woltlyk akkumulýatorynyň kemçiligi sebäpli, ABŞ-da 272 817 ulagyň yzyna çagyrylandygyny habar berdi. Näsazlyk 2021-2023-nji ýyllaryň Ford Bronco Sport we 2022-2023-nji ýyllaryň Ford Maverick modellerine degişlidir.
ABŞ-nyň Milli ýol hereketiniň howpsuzlygy dolandyryş gullugynyň (NHTSA) berýän maglumatlaryna görä, batareýa wagtyň geçmegi bilen peselip, hatardan çykyp biler. Bu bolsa elektrik ulgamlarynyň näsaz işlemegine, heläkçilik çyralarynyň ýanmagyna we güýjüniň doly ýitmegine sebäp bolup biler. Bu ýolda heläkçilikli ýagdaýlaryň ýüze çykmak howpuny ýokarlandyrýar.
Ford agzalan awtoulaglaryň eýeleriniň mugt gözden geçirtmek we zerur bolsa näsaz akkumulýatory çalyşmak üçin ygtyýarly söwda dellallaryna ýüz tutup biljekdiklerini aýtdy. Şeýle hem kompaniýa eýelerini ulaglarynyň elektrik ulgamlarynyň ýagdaýyna ýakyndan gözegçilik etmäge we näsazlygyň ilkinji alamatlary ýüze çykan dessine, meseläni çözmek üçin hyzmat merkezlerine ýüz tutmaga çagyrýar.
