Netflix-iň 2024-nji ýylyň dördünji çärýegindäki maliýe hasabatynyň netijesinde, onlaýn kinoteatra ýazylanlaryň sanynyň bütin dünýäde 301 mln adamdan geçendigi belli boldy.
Ilkibaşda dördünji çärýekde hyzmata ýazylan ulanyjylaryň sanynyň 9,18 mln adam artmagyna garaşylypdy, ýöne netije has gowy boldy – ýazylanlaryň sany 18,91 mln adam artdy (2023-nji ýyl bilen deňeşdirilende 15,9% ösüş).
Şeýlelikde, ABŞ-dan we Kanadadan 4,82 mln, Ýewropadan, Ýakyn Gündogardan we Afrikadan bolsa 5 mln adam ýazyldy. Latyn Amerikasy platforma 4,15 mln, Aziýa 4,94 mln adam getirdi.
Tomaşaçylaryň onlaýn kinoteatra bolan gyzyklanmasynyň artmagyna birnäçe premýera täsir etdi. Mysal üçin, ulanyjylar Jeýk Pol bilen Maýk Taýsonyň arasyndaky söweşe işjeň tomaşa etdi.
Mundan başga-da, Netflix-de Teron Ejertonyň baş keşbi ýerine ýetirmegindäki “El goşy” (Ручная кладь) trilleri meşhurlyk gazandy. Aýratynam, “Kalmar oýny” koreý serialynyň ikinji möwsümi tomaşaçylaryň arasynda uly gyzgalaň döretdi we eýýäm 126 milliondan gowrak tomaşa ýygnamaga ýetişdi. Geljekde onuň birinji möwsümiň görkezijilerinden öňe geçmegine garaşylýar.
Ölüm howply oýunlar baradaky wakanyň ahyrky bölümleri şu ýyl, maglumatlara görä, 27-nji iýunda çykar.
