Jeddah Economic Company (JEC) kompaniýasy Saud Arabystanyndaky Jeddah Tower binasynyň gurluşyk işleriniň gaýtadan dikeldilendigini mälim etdi. Uzynlygy 1000 metrden geçýän bu bina dünýäniň iň beýik binasy bolmaga dalaşgärleriň biridir.
20-nji ýanwarda doly bu taýýar bolmadyk bu belent binanyň 64-nji gatynyň betonyny guýmak dabarasy geçirildi. Bu çärä taslamanyň eýesi, Saud Arabystanynyň şazadasy Al-Walid bin Talal hem gatnaşdy.
Meýilnama görä, bina 2025-nji ýylyň awgust aýynda 100-nji gata ýetmeli. 2026-njy ýylyň oktýabr aýynda 160-njy gatynda aýlawly gözegçilik meýdançasy açylar. Binanyň gurluşygynyň bolsa 2028-nji ýylyň mart aýynda tamamlanmagyna garaşylýar.
Jeddah Tower taslamasy geçen ýyl togtadylandygyna garamazdan, kompaniýa indi ony doly tamamlamaga taýýardygyny mälim etdi. Gurluşygy tamamlanandan soň, Jeddah Tower-iň Saud Arabystanynyň täze arhitektura nyşany bolmagyna garaşylýar.
