Rafael Nadal türkmen tennisçisine Jiddada geçen ýaryşyň ýeňiş sylaglaryny gowşurdy

  • 22.01.2025 23:33
  • 13k+

Saud Arabystanynyň Jidda şäherinde Aziýa Tennis Federasiýasynyň (ATF) howandarlygynda halkara ýaryş geçirildi. Oňa 13 ýurtdan 14 ýaşa çenli ýetginjekleriň 36-sy gatnaşdy.

Ýaryşda 13 ýaşly türkmen tennisçisi Süleýman Hudaýberdiýew ýekelikde çykyş etmekde kümüş baýraga, jübüt bolup çykyş etmekde bolsa iň ýokary baýragyň eýesi boldy. Süleýman Hudaýberdiýewe baýraklary dünýä tennisinde ady rowaýata öwrülen, 2008-nji ýylda ýekelikde we 2016-njy ýylda jübüt bolup çykyş etmegiň olimpiýa çempiony, Uly tuwulga ýaryşlarynyň 22-siniň, «Masters» tapgyryndaky ýaryşlaryň 36-synyň ýeňijisi, Ispaniýanyň ýygyndy toparynyň düzüminde Dewisiň Kubogynyň bäş gezek eýesi Rafael Nadal gowşurdy.
Süleýman Hudaýberdiýew 6 ýaşyndan bäri tennis bilen meşgullanýar. Ol ilkinji gezek özüni 2023-nji ýylda tanatdy. Şonda ol Türkmenistanyň ýygyndy toparynyň düzüminde Aşgabatda 12 ýaşdan uly bolmadyk oýunçylaryň arasynda Merkezi Aziýa ýaryşynyň kümüş baýragynyň eýesi boldy.
Oktýabr aýynda Süleýman Hudaýberdiýew Doha şäherinde geçirilen «3rd Qatar Asian Junior Tournament 14 & U» ýaryşlarda ýekelikde çykyş etmekde ikinji orny eýeledi. Noýabr aýynda ol bu üstünligini deň-duşlarynyň arasynda «Ashgabat Open 2024» ýaryşynda gaýtalady. Ine, indi bolsa Saud Arabystanynda «Asian 14 & Under Category 2 Jeddah» ýaryşynda ýekelikde we jübüt bolup çykyş etmekde ýene-de kümüş we altyn medallara mynasyp boldy.
Süleýman Hudaýberdiýew sport bilen meşgullanmagy Aşgabat şäherindäki 86-njy ýöriteleşdirilen orta mekdepde 8-nji synpda okamak bilen üstünlikli utgaşdyrýar, iňlis diline erkin erk edýär. Tälimçi Gurbanberdi Gurbanberdiýewiň tälim bermeginde tennis bilen meşgullanýar.


26.03.2025 12:38
6.7k+

Türkmenistan Aziýa Kubogy – 2027-niň saýlama tapgyryny ýeňiş bilen başlady

Türkmenistan Aziýa Kubogy – 2027-niň saýlama tapgyryndaky birinji duşuşygynda myhmançylykda Hytaý Taýpeýinden 2:1 hasabynda üstün çykdy. Türkmenistanyň Futbol federasiýasynyň habar bermegine görä, Gaosýun şäheriniň “National...

24.03.2025 19:15
19k+

Garagumda geçirilen ralli-reýd boýunça Türkmenistanyň Kubogynda Maksatmyrat Daňatarow ýeňiji boldy

Milli bahar baýramy mynasybetli Garagum sährasynda geçirilen awtomobil sportunyň ralli-reýd görnüşi boýunça Türkmenistanyň Kubogynda Türkmenistanyň Awtoulag sport federasiýasyndan «Nissan Patrol» awtomobilinde...

24.03.2025 13:25
2.1k+

Jokowiç “Masters-1000” ýaryşlarynda ýeňiş sany boýunça Nadalyň rekordyny täzeledi

Serbiýaly tennisçi Nowak Jokowiç “Masters-1000” ýaryşlaryndaky oýunlarda gazanan ýeňişleriniň sany boýunça täze rekord goýdy. Ol 411-nji oýunda ýeňiş gazanyp, hasabynda 410 ýeňiş bolan ispaniýaly Rafael Nadaldan...

20.03.2025 12:32
1.7k+

Türkmenistanyň Küşt federasiýasy onlaýn görkezişli täze Gran-pri ýaryşyny başlatdy

Türkmenistanyň Küşt federasiýasy täze Gran-pri seriýaly ýaryşyny döretdi. Bäsleşikler ýurduň ähli sebitlerini öz içine alar, iň gowy oýunçylar bolsa 2026-njy ýylyň ýokary ligasyna geçmek ugrunda bäsleşerler. Bu...