Apple kompaniýasy 2024-nji ýylyň awgust aýyndan bäri bazarda iň erbet güni başdan geçirdi. Canalys analitikleriniň kompaniýanyň hytaý bazarynda ornunyň ýaramazlaşandygyny görkezýän hasabatyndan soň, onuň paýnamalarynyň bahasy 4% pese gaçdy.
Canalys-yň hasabatynda geçen ýylyň jemi boýunça Hytaýda iPhone-yň beýleki smartfonlaryň arasynda üçünji orna düşendigi aýdylýar. Amerikan öndürijisi 2024-nji ýyly Hytaý bazarynda 15% paý bilen jemledi. Şol bir wagtyň özünde Huawei 16% paý bilen ikinji orna çykdy, lider bolsa ýerli Vivo brendi boldy – 17%.
Dördünji çärýegiň jemi boýunça ilkinji üçlüge girenler aýratynlykda Hytaýyň smartfon bazarynyň 17%-ini eýeledi we Apple birneme öňde boldy.
Hytaýda iPhone satuwy ýylda 17%, 2024-nji ýylyň dördünji çärýeginde 25% pese gaçdy.
Analitik Ming-Çi Kuo 2025-nji ýylyň birinji ýarymynda iPhone üpjünçiliginiň 6% azaljakdygyny çaklaýar. Onuň pikiriçe, kompaniýanyň heniz Hytaýda elýeterli bolmadyk emeli aň ulgamy Apple Intelligence iPhone-a bolan islegiň artmagyna ýardam etmeýär.
Apple-iň dördünji çärýeginiň netijeleri baradaky resmi maglumatlar 30-njy ýanwarda hödürlener.
