Türkmenistanyň Bilim ministrligi Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikde «Iň eýjejik gyzjagaz - 2025» atly bäsleşigi yglan etdi.
Bäsleşik ýurdumyzyň umumybilim berýän mekdepleriniň 2-4-nji synplarynda okaýan okuwçy gyzlarynyň arasynda geçirilýär. Oňa ozal «Iň eýjejik gyzjagaz» bäsleşiginiň döwlet tapgyrynda ýeňiji bolmadyk okuwçy gyzjagazlar gatnaşyp bilerler.
Bäsleşik 4 tapgyrda geçiriler:
- I tapgyr 2025-nji ýylyň 5-14-nji fewraly aralygynda umumybilim berýän mekdeplerde;
- II tapgyr 2025-nji ýylyň 21-28-nji fewrlay aralygynda etraplarda we şäherlerde (bu tapgyra mekdeplerde geçirilen tapgyrda 1-nji we 2-nji orunlary eýelän okuwçy gyzjagazlar gatnaşarlar);
- III tapgyr 2025-nji ýylyň 3-7-nji marty aralygynda Aşgabat, Arkadag şäherlerinde we welaýatlarda (bu tapgyra etrap, şäher tapgyrlarynda 1-nji we 2-nji orunlary eýelän okuwçy gyzjagazlar gatnaşarlar);
- Jemleýji tapgyr 2025-nji ýylyň mart aýynyň 2-nji ongünlüginde Aşgabat şäherinde geçiriler we bu tapgyra Aşgabat, Arkadag şäher we welaýat tapgyrynda 1-nji we 2-nji orunlary eýelän okuwçy gyzjagazlar gatnaşarlar.
Bäsleşigiň Düzgünnamasy bilen şu salgydan tanşyp bilersiňiz.
Bäsleşigiň jemleýji tapgyrynda baş baýraga, 1-nji, 2-nji we 3-nji orunlara mynasyp bolan ýeňijiler yglan ediler. Ýeňijilere bäsleşigi gurnaýjylar tarapyndan Hormat hatlary we sowgatlar dabaraly ýagdaýda gowşurylar.
Ýüze çykýan soraglar boýunça habarlaşmak üçin telefon belgileri:
44-86-40 (Türkmenistanyň Bilim ministrligi), 44-88-55 (Türkmenistanyň Magtymguly adyndaky Ýaşlar guramasynyň Merkezi Geňeşi).
