Aşgabatda XXI Halkara Žautyk olimpiadasynyň ýeňijileri sylaglanyldy

  • 21.01.2025 18:04
  • 4.7k+

Türkmenistanyň Bilim ministrliginde ýurdumyzyň orta mekdepleriniň okuwçylaryny – Gazagystan Respublikasynyň paýtagty Astanada 13-17-nji ýanwar aralygynda matematika, fizika we informatika «IzhO-2025» boýunça XXI Halkara Žautyk olimpiadasynyň ýeňijilerini sylaglamak dabarasy geçirildi.

Türkmenistanyň milli ýygyndy topary ýaryşda 2 altyn, 4 kümüş we 6 bürünç, jemi 12 medal gazandy.
Aşgabat şäherindäki iňlis dili çuňlaşdyrylyp öwredilýän 135-nji orta mekdebiň 12-nji synp okuwçysy Hamza Allaberdiýew altyn medal gazandy.
Şol mekdebiň 12-nji synp okuwçysy Maksat Babageldiýew kümüş medala mynasyp boldy, şeýle hem Aşgabat şäherindäki matematika we iňlis dili derslerini çuňlaşdyryp öwredilýän 49-njy ýöriteleşdirilen orta mekdebiň 11-nji synp okuwçysy Begenç Akmyradow kümüş medala eýe boldy.
Aşgabatdaky iňlis dili, himiýa we biologiýa dersleri çuňlaşdyrylyp öwredilýän 86-njy ýöriteleşdirilen orta mekdebiň okuwçylary bäsleşikde tapawutlandylar. 12-nji synp okuwçy Rahym Agamyradow kümüş medalyň eýesi boldy, 11-nji synp okuwçylary Mälikşa Meýlismyradow, Sanjar Hojanyýazow we Begli Işanmyradow bürünç medala mynasyp boldular.


Bürünç medallaryň ýene-de ikisini Aşgabat şäherindäki daşary ýurt dil dersleri çuňlaşdyrylyp öwredilýän 97-nji ýöriteleşdirilen orta mekdebiň 10-njy synp okuwçysy Myrat Ruslanow hem-de Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatyň 11-nji synp okuwçysy Hudaýguly Hudaýberenow gazandylar.
Fizika boýunça olimpiadanyň netijeleri boýunça Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatyň 12-nji synp okuwçysy Jumadurdy Nuryýew altyn medal bilen sylaglandy. Mary welaýatynyň Sakarçäge etrabyndaky 43-nji orta mekdebiň 11-nji synp okuwçysy Döwlet Annamyradow kümüş medal aldy.
Informatika ugry boýunça Aşgabat şäherindäki iňlis dili, himiýa we biologiýa okuw derslerini çuňlaşdyrylyp öwredilýän ýöriteleşdirilen 86-njy orta mekdebiň 11-nji synp okuwçysy Yhlas Amanmyradow bürünç medalyň eýesi boldy.
Jemi 21 okuwçy türkmen toparynyň düzümine girdi. Olara terbiýeçileriň 5-si – matematika mugallymlary Pälwan Agamyradow, Myrat Sapaýew, Resul Myradow, fizika mugallymy Berdimyrat Çaryýew hem-de informatika mugallymy Öwezgeldi Janalyýew ýolbaşçylyk etdiler.
Olimpiada jemi 15 ýurtdan, şol sanda Gazagystandan, Türkmenistandan, Gyrgyzystandan, Özbegistandan, Täjigistandan, Russiýadan, Belarusdan, Ermenistandan, Azerbaýjandan, Türkiýeden, Gruziýadan, Bolgariýadan, Rumyniýadan, Serbiýadan we Mongoliýadan mekdep okuwçylaryň 700-e we ýolbaşçy-mugallymlaryň 150-ä golaýy gatnaşdylar.
XXI Halkara Žautyk olimpiadasynyň ýeňijilerine mynasyp bolan diplomlary, medallary we gymmat bahaly sowgatlar gowşuryldy.


26.07.2025 19:41
17k+

Türkmenistanly talyplar halkara inžener-tehnologik kompaniýalarda tomusky önümçilik tejribesinden geçdiler

Türkmenistanyň Telekommunikasiýalar we informatika institutyň talyplary we mugallymlary halkara inžener-tehnologik kompaniýalarda tomusky önümçilik tejribesinden geçdiler. Tejribelik 1–21-nji iýul aralygynda halkara...

26.07.2025 09:32
4.5k+

23-nji awgustda Türkmenistanyň öňdebaryjy bilim işgärleriniň maslahaty geçiriler

Türkmenistanda 2025-2026-njy täze okuw ýylyna taýýarlygyň çäklerinde 23-nji awgustda ýurdumyzyň öňdebaryjy bilim işgärleriniň maslahatyny geçirmek meýilleşdirilýär. Bu barada wise-premýer B.Orazdurdyýewa Hökümet mejlisinde hasabat berdi...

24.07.2025 14:45
15k+

Türkmenistanda ýokary okuw mekdeplerine kabul edişlige gözegçilik etmek üçin onlaýn platforma işe girizildi

Türkmenistanyň Bilim ministrligi ýurduň ýokary we orta hünär okuw mekdeplerine 2025-nji ýylda kabul edişligiň ýagdaýyny beýan etmek üçin dalasgar.bilim.tm atly maglumat beriji web saýtyny işe girizdi. Bu barada ministrlikde habar berdiler...

23.07.2025 19:00
10k+

Aşgabat şäherindäki Agrosenagat orta hünär okuw mekdebi talyplyga çagyrýar

S.A.Nyýazow adyndaky Türkmen oba hojalyk uniwersitetiniň Aşgabat şäherindäki Agrosenagat orta hünär okuw mekdebi 2025/2026-njy okuw ýyly üçin aşakdaky hünärler boýunça talyplyga kabul edýär: Oba hojalygyny mehanizmleşdirmek...