Türkiýede surata düşürilen telewizion seriallaryň satuwy 2024-nji ýylda ýurda 500 mln dollardan gowrak girdeji getirdi. Bu barada TRT Haber telekanaly habar berýär.
Bellenilişi ýaly, bütin dünýäde türk seriallaryna 150-den gowrak ýurtda tas 1 mlrd adam tomaşa etdi. Ankaranyň mediaönümlerine, esasan, Ýakyn Gündogaryň we Latyn Amerikasynyň ýaşaýjylary uly gyzyklanma bildirýär.
Bir ýylyň dowamynda ýurt 300 töweregi teleserial eksport etdi.
Türk seriallaryna bolan gyzyklanma ýurda täze syýahatçylary çekmäge-de ýardam edýär diýip, telekanal belleýär.
