Donald Tramp kasam kabul edip, ABŞ-nyň 47-nji prezidenti wezipesine girişdi.
Kasam kabul ediş dabarasy, öňden gelýän däbe görä, Kapitoliýniň basgançaklarynda däl-de, içinde geçirildi. Munuň sebäbi howanyň sowuk bolmagy bilen düşündirilýär. Bu barada saýlanan Prezident dabaradan üç gün öň yglan edipdi.
Ilki bilen, wise-prezident Jeý Di Wens, soňra bolsa Trampyň özi kasam kabul etdi.
Dabaranyň öňüsyrasynda Tramp maşgalasy Melaniýa bilen Ak öýi terk edýän Jo Baýdeniň maşgalalarynyň arasynda çaý içişlik boldy. Prezident çalşylanda bu hem özboluşly däp bolup durýar.
«Time» ABŞ-nyň saýlanan prezidenti Donald Trampy gaýtadan žurnalyň daşky sahypasynda ýerleşdirdi. Bu barada neşiriň web sahypasynda beýan edilýär.
Awtory suratkeş Tim O’Braýen bolup, ol syýasatçyny Ak öýüň Owal otagynda şekillendiripdir. Tramp stoluň üstünden resminamalary, telefony we öňki prezident Jo Baýden bilen baglanyşdyrylýan äýnegi zyňyp duran ýaly edilip suratlandyrylypdyr. Sahypanyň ýüzünde bolsa “Ol täzeden geldi” (He’s Back) diýen ýazgy ýerleşdirilipdir.
2024-nji ýylyň dekabr aýynda hem «Time» žurnaly milliarder Trampyň portretini ilkinji sahypasynda ýerleşdirip, ony «ýylyň adamy» diýip yglan edipdi.
