“Time” Donald Trampy ýylyň adamy hökmünde ykrar etdi

  • 14.12.2024 08:56
  • 8k+

Time žurnaly ABŞ-nyň saýlanan Prezidenti Donald Trampa “Ýylyň adamy” adyny berdi.

Neşir ony “dünýäde iň güýçli adam” diýip atlandyrdy. Materialda Trampyň syýasy taýdan gaýdyp gelmeginiň amerikan taryhynda aýratyn wakadygy aýdylýar.

“Iýul aýynda Pensilwaniýa ştatynyň Batler şäherindäki duşuşykda ganhoryň oky onuň kellesiniň bir dýuýmdan hem ýakyn ýerinden uçup geçdi. Soňky dört aýda ol bir däl-de, iki demokrat garşydaşyndan üstün çykdy, ähli “durnuksyz” ştatlarda ýeňiş gazandy we soňky 20 ýylda halkyň ses bermeginde ýeňiş gazanan ilkinji respublikaçy boldy. Ol Respublikan partiýany gaýtadan gurup, demokratlary nädogry zatlar barada pikirlenmäge mejbur edip, amerikan syýasatyny üýtgetdi” – diýlip, redaksiýada bellenildi.

Time “Ýylyň adamy” adyny 1927-nji ýyldan bäri berýär. Ony, redaksiýanyň pikiriçe, soňky 12 aýda, oňyn däl hem bolsa, dünýä uly täsirini ýetiren adamlar alýar. Şu ýyl bu at üçin ABŞ-nyň wise-prezidenti Kamala Harris, işewür Ilon Mask we Meksikanyň taryhynda ilkinji zenan Prezidenti Klaudiýa Şeýnbaum dalaş etdi. Geçen ýyl ýylyň adamy aýdymçy Teýlor Swift, ondan öňki ýyl Wladimir Zelenskiý boldy.


30.05.2025 12:25
15k+

Ilon Mask Trampyň administrasiýasyndaky wezipesinden çekilýändigini mälim etdi

«Tesla» we «SpaceX» kompaniýalarynyň ýolbaşçysy Ilon Mask ABŞ-nyň Prezidenti Donald Trampyň administrasiýasyndaky ýörite döwlet gullukçysy wezipesinden çekilýändigini mälim etdi. Telekeçi administrasiýanyň düzüminde döredilen Hökümet netijeliligi departamentine (DOGE) ýolbaşçylyk edýär...

30.05.2025 00:17
9.9k+

ABŞ talyp wizalaryny almak üçin dalaşgärler bilen söhbetdeşlik geçirmegi togtatdy

Donald Trampyň administrasiýasy F, M we J kategoriýaly talyp wizalaryny almak üçin dalaşgärler bilen söhbetdeşlik geçirmegi wagtlaýyn togtatmagy tabşyrdy. Bu barada döwlet sekretary Marko Rubio tarapyndan gol çekilen içerki resminama salgylanyp, Politico neşiri habar berýär...

29.05.2025 15:42
13k+

ABŞ-daky kazyýet Trampyň gümrük paçlarynyň köpüsini ýatyrdy

ABŞ-nyň Halkara Söwda meseleleri boýunça federal kazyýeti ABŞ-nyň Prezidenti Donald Tramp tarapyndan girizilen gümrük paçlarynyň bikanundygyny aýdyp, olaryň köpüsiniň güýjüni ýatyrdy. Bu barada şu gün «Associated Press» agentligi habar berdi...

24.05.2025 19:20
13k+

Tramp iPhone smartfonlary ABŞ-da öndürilmese, Apple-e 25% paç girizmek isleýär

ABŞ-nyň häkimiýetleri Apple kompaniýasy iPhone önümçiligini ABŞ-a geçirmedik ýagdaýynda, kompaniýanyň harytlaryna 25% gümrük paçlaryny girizer. Bu barada Birleşen Ştatlaryň Prezidenti Donald Tramp aýtdy. “Men öň Apple-den Tim Kuka iPhone-yň Hindistanda ýa-da başga bir ýerde däl-de, ABŞ-da öndürilmegine we ýygnalmagyna garaşýandygymy aýdypdym...