Apple kompaniýasy iň döwrebap prosessorlary ABŞ-da öndürip bilmez diýip, Reuters habar berýär.
Apple kompaniýasynyň esasy çip üpjünçisi bolan Taiwan Semiconductor Manufacturing Co (TSMC) ABŞ-daky zawodlarynda önümçilik işlerini ýola goýmakda kynçylyklar bilen ýüzbe-ýüz boldy.
TSMC-niň baş müdiri Si Si Weýiň aýtmagyna görä, Arizonadaky zawodyň gurluşygy Taýwandaka garanyňda iki esse köp wagt aldy. Bu ýagdaý ABŞ-da býurokratiki resmileşdiriş işleriniň örän çylşyrymly bolmagy we köp wagt almagy bilen baglanyşyklydyr.
Mundan başga-da, ABŞ-da material üpjünçiligi bilen baglanyşykly kynçylyklar hem ýüze çykdy – materiallar Taýwandaka garanyňda bäş esse gymmada düşýär. Si Si Weýiň bellemegine görä, tejribeli işgärler hem ýetmezçilik edýär.
Şol sebäpden hem TSMC Amerikada diňe köne tehnologiýaly çipleri öndürmegi meýilleşdirýär. Iň täze prosessorlar bolsa öňküsi ýaly Taýwanda öndüriler.
