Marvel 14-nji fewralda görkeziljek “Kapitan Amerika: Ajaýyp täze dünýä” (Капитан Америка: Дивный новый мир) filminiň täze tizer-treýlerini hödürledi.
Filmiň baş keşbinde Entoni Maki çykyş edýär. Filmiň ilkinji hepdesinde diňe ABŞ-da 95 million dollar girdeji getirmegine garaşylýar.
Filmiň mazmunyna görä, Kapitan Amerika halkara dawanyň merkezine düşýär. Ol, ýagdaýlar has hem çylşyrymlaşmanka, global dildüwüşligiň sebäbini ýüze çykarmaly bolýar. Bu film “Laçyn we Gyş esgeri” (Сокол и Зимний солдат) serialynyň gönümel dowamy bolup durýar.
Filmde Entoni Makiden başga-da Harrison Ford, Jankarlo Espozito, Liw Taýler, Denni Ramires, Karl Lambli, Tim Bleýk Nelson ýaly meşhur aktýorlar çykyş edýärler.
