"Hulu" amerikan akym hyzmaty “Müňlerçe urgy” (Тысяча ударов) atly täze serialynyň treýlerini hödürledi. “Kesgir gaşlaryň” (Острые козырьки) döredijisi Stiwen Naýtyň täze serialy 21-nji fewralda platformada elýeter bolar diýip, CBR portaly ýazýar.
Köp bölümli serialyň wakalary XIX asyryň ahyryndaky Londonda geçýär. Serial Ýamaýkadan Londona gazanç üçin gelen iki migrant Hezekiýa Moskou we Alek Manronyň hekaýasyny gürrüň berýär. Olar diňe Ist-End sebitindäki ýerasty boks uruşlarynda durnukly gazanç etmegi başarýarlar. Olara şol uruşlara girmek üçin biledi “Kyrk pil” gyzlar bandasynyň ýolbaşçysy Meri berýär. Meri Hezekiýanyň täze çempion boljakdygyna ynanýar, emma Hezekiýanyň islegleri we arzuwlary tejribeli urşujy Şugaryň howpy astynda galýar.
Täze serialda esasy keşpleri Malakaý Kirbi, Stiwen Grem we Erin Doerti ýerine ýetirýärler. Şeýle-de, aktýorlar düzüminde Jeýson Tobin, Jeýms Nelson-Joýs, Frensis Lawholl ýaly tanymal sungatçylar bar.
