TikTok ABŞ-da gadagan edilenden bir gün soň ýene açylyp başlady

  • 20.01.2025 10:07
  • 12k+

Gysga wideo döretmek we görmek hyzmatyny hödürleýän TikTok ABŞ-da petiklenenden bir gün soň, işini gaýtadan dikeltmäge başlady. Bu barada TikTok-yň X sosial torundaky resmi hasabynda mälim edildi.

“Hyzmat üpjün edijilerimiz bilen ylalaşyp, TikTok hyzmatlaryny gaýtadan dikeltmek ugrunda işleýäris. Biz prezident Trampa, hyzmat üpjün edijilerimize beren zerur düşündirişleri we [olaryň hiç hili jerime çärelerine duçar bolmajakdygy barada] beren kepillikleri üçin minnetdarlyk bildirýäris” diýlip, TikTok-nyň beýanatynda aýdylýar.

Şeýle-de TikTok prezident Trampyň “Birinji düzedişe we esassyz senzura garşy berk pozisiýasyna” ýokary baha berýändigini belledi. Kompaniýa, programmanyň petiklenmek meselesine “uzak möhletli çözgüt” kabul etmek üçin saýlanan prezident bilen işleşmegi meýilleşdirýändigini aýtdy.
Bu wakadan öň, ABŞ-nyň saýlanan prezidenti Donald Tramp, 20-nji ýanwarda geçiriljek kasam kabul edişlikden soň, sosial tory gadagan etmekligi wagtlaýyn yza süýşürmegi wada berdi. Tramp ABŞ-nyň TikTok bilen bilelikdäki guramanyň paýynyň ýarysyna eýe bolup, platformany “ygtybarly ellerde” saklamagynyň zerurdygyny belledi.
17-nji ýanwarda Tramp Hytaý Halk Respublikasynyň Başlygy Si Szinpin bilen telefon arkaly gepleşik geçirdi. Ol sosial tory TruthSocial-da, söhbetdeşligi “hem Hytaý, hem ABŞ üçin gaty gowy” diýip atlandyrdy.

“Men birnäçe meseläni bilelikde çözeris we derrew başlarys diýip garaşýaryn. Biz söwda deňagramlylygyny, fentanil, TikTok we başga-da birnäçe mowzuklary ara alyp maslahatlaşdyk. Başlyk Si we men dünýäni has parahat we howpsuz etmek üçin elimizden gelen zady ederis" diýip, Tramp ýazdy.

19-njy ýanwaryň gijesi TikTok ABŞ-da işlemegini bes etdi. Ulanyjylara programmanyň täze kanun sebäpli elýeterli däldigi barada bildiriş görkezildi. Şeýle-de bildirişde Trampyň “TikTok-y yzyna getirmegi” maksat edinýändigi hem bellenilip geçildi.


27.03.2025 15:50
12k+

Tramp awtomobilleriň we ätiýaçlyk şaýlarynyň ABŞ-a importyna 25% paç girizdi

ABŞ-nyň Prezidenti Donald Tramp ähli import awtomobilleri we olaryň esasy komponentleri üçin 25% nyrh girizmek barada permana gol çekdi. Bu barada Ak tamyň saýtynda habar berildi. Gümrük haky 2-nji aprelden güýje...

21.03.2025 07:46
15k+

Gurbanguly Berdimuhamedow adyndaky haýyr-sahawat gaznasynyň wise-prezidenti ABŞ-nyň ilçisi bilen duşuşdy

20-nji martda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti O.Atabaýewa Amerikanyň Birleşen Ştatlarynyň Türkmenistandaky...

20.03.2025 07:31
2.3k+

ABŞ kömürden elektrik energiýasyny öndürmekligi gaýtadan ýola goýar

ABŞ-nyň Prezidenti Donald Tramp hökümete «ajaýyp, arassa kömürden» elektrik energiýasyny öndürmekligi derrew ýola goýmagy tabşyrdy. Bu barada ol Truth Social sosial torundaky sahypasynda habar berdi. Ak Tamyň ýolbaşçysynyň...

17.03.2025 12:04
3.2k+

Taryhy pursat: ýaşyl energiýa ilkinji gezek ABŞ-da kömürden öňe geçdi

ABŞ-nyň taryhynda ilkinji gezek ýel we Gün ýaly gaýtadan dikeldilýän energiýa çeşmeleri kömürden köp elektrik energiýasy öndürdi diýip, «The Verge» neşiri habar berýär. «Ember» analitika merkeziniň berýän maglumatlaryna görä...