Microsoft korporasiýasy Copilot emeli aň funksiýasynyň ofis programmalary üçin Microsoft 365 Personal we Home ýazylyşyklaryna girizilendigini mälim etdi. Şol sebäpli täze nyrhlar aýda $3 gymmat bolar diýip, The Verge habar berýär.
Şol bir wagtyň özünde, häzirki ulanyjylar ýazylyşygyň möhleti tamamlanýança, hyzmatlary öňki nyrhlar boýunça ulanmagy dowam etdirip biler. Şeýle-de, emeli aň funksiýalaryndan ýüz öwrüp, öňki nyrhnamada galyp biler.
Öň, Word, Excel we PowerPoint üçin Copilot emeli aň kömekçisi aýda $20 bilen aýratyn ýazylyşyk boýunça elýeterlidi. Indi bolsa emeli aň gurallary esasy ofis bukjalaryna giriziler.
“Biz ulanyjylaryň Microsoft 365-de emeli aň üçin tölemäge taýýardygyny bilýäris we biziň maksadymyz munuň gymmatyny mümkin boldugyndan has köp adama ýetirmek” – diýip, Copilot Pro we Microsoft 365 marketingi boýunça uly müdir Garet Oýstrik belledi.
Täze funksiýalar bütin dünýäde diýen ýaly ulanyjylar üçin elýeterli bolar. Microsoft emeli aň-karzlary ulgamyny-da işe girizip, olary Word, Excel we beýleki programmalarda ulanmaga mümkinçilik berýär. Copilot Pro ýazylanlar ähli mümkinçiliklere çäksiz elýeterlilik alar.
Kompaniýa emeli aňy ulanmak islemeýänler üçin Copilot-y öçürmek mümkinçiligini-de göz öňünde tutdy. Öňki bahany saklamak üçin emeli aň bilen täzelenmeleri öz içine almaýan Personal Classic we Family Classic hödürlendi.
