“Habble” kosmos obserwatoriýasynyň mümkinçilikleri arkaly NASA-nyň hünärmenleri Waşington uniwersitetiniň astronomlary bilen bilelikde Andromeda galaktikasynyň has doly barlagyny geçirdiler. 10 ýyldan gowrak wagt dowam eden bu iş tutuş galaktikany 417 megapiksel durulykdaky panoramada ýerleşdirmäge mümkinçilik berdi.
Şekilde 600-den gowrak surat bar.
42 208-den 9 870 piksel aralygyndaky ägirt uly panorama “Hubble” kosmos teleskopyny ulanmak arkaly döredilen iň uly surat mozaikasydyr.
Mozaikada 200 million ýyldyzy görmek bolýar, entegem bu Andromeda galaktikasyndaky çak edilýän trillion ýyldyzyň diňe bir bölegidir. Surat mozaikasyndaky jikme-jiklikler alymlara Andromedanyň taryhy, has kiçi hemra galaktikalar bilen birleşmegi ýaly maglumatlary öwrenmäge kömek eder.
Andromeda ýyldyzlar toplumy Akmaýanyň ýolundan has uludyr we öz içine alýan ýyldyzlary birnäçe esse köpdür. Bu iri galaktikalaryň iň ýakyny, Gallaktikanyň göze görnüp duran ululygy + 3,44m we burç diametri Aýyň burç diametrinden 6 esse uludyr. Ony Ýerden adaty göz bilen görüp bolýar we höwesjeň astronomlaryň arasynda meşhur gözegçilik obýekti bolmagynda galýar.
