Skytrax kompaniýasy 2024-nji ýylda dünýäniň iň gowy awiakompaniýalarynyň reýtingini düzdi. Reýtingde Qatar Airways birinji ýeri eýeledi. Katar uçar gatnawy amatlylygy, iýmiti, güýmenjeleri, hyzmaty we häzirki zaman awiaparky üçin öwüldi.
Ikinji ýeri ajaýyp hyzmaty bilen tanalýan Singapore Airlines eýeledi. Şeýle hem bu awiakompaniýanyň Scoot atly arzan bahaly golçur kärhanasy bar.
Emirates ilkinji iki orundakylardan köp, ýagny 152 ugra uçuş hödürläp, üçünji ýeri eýeledi. Gatnawyň esasy merkezi Dubaý howa menzilidir.
Şeýle hem ilkinji onluga Ýaponiýanyň 72 ýyllyk taryhy bolan iň uly ANA All Nippon Airways awiakompaniýasy, Gonkongyň Cathay Pacific Airways-i, 300-den gowrak ugra uçýan Turkish Airlines, Taýwanyň EVA Air-sy, Air France we Lufthansa Group-a girýän Swiss International Air Lines girdi.
Skytrax awiakompaniýalara ýolagçylar üçin amatlylygy we hyzmatynyň hili ýaly dürli ölçegler boýunça baha berdi.
