Meşhur Pinterest platformasynyň hünärmenleri 2025-nji ýylyň iň meşhur reňklerini yglan etdiler. Reňkleriň sanawy platformanyň resmi web sahypasynda çap edildi.
Iň meşhur reňkler: ülje gyzyly, mesge sarysy, aura-indigo, ukrop ýaşyly we alp sülesi diýlip kesgitlendi. Bu reňkler, platformanyň ulanyjylarynyň isleglerine we trendlerine görä saýlanyldy.
“Biz ulanyjylaryň nämäni gözleýändigini, ýazga alýandygyny we nämeleri satyn alýandygyny seljerdik” diýip, Pinterest-iň wekili Ksante Uells aýtdy.
Ülje gyzyly reňkini saýlamak üçin, “Cherry Red Girl” atly fleşmobdan (üýşüp edilýän bilelikdäki hereketlerden, mysal üçin, bir tema boýunça geýnip surata düşmek ýa-da tans etmek ýaly çärelerden) ylham alnypdyr. Platformada şol reňkdäki egin-eşikleri geýip surata düşmek uly meşhurlyk gazanypdyr. Şeýle-de mesge sarysy reňki hem şular ýaly trendleriň netijesinde saýlanypdyr.
“Aura-indigo reňki bolsa, häzirki döwürde kosmos temasy bilen gyzyklanmanyň artýandygy sebäpli sanawa girizildi” diýip, Ksante Uells düşündirdi.
Ukrop ýaşyly reňki, şor suwdan we berhiz kolasyndan ybarat içginiň, şeýle-de ukroply tagamlaryň meşhur bolmagy netijesinde saýlanypdyr.
“Alp sülesi reňki – “mele ejeleriň” estetikasy ýaly, minimalizm boýunça beýleki meşhur trendleriň täsirini görkezýär” diýip, Uels sözüni jemledi.
Ýatlatsak, Pantone kompaniýasy 2025-nji ýylyň esasy reňkini – şokolad-goňur öwüşginli “Mocha Mousse” diýip yglan edipdi.
