Pantone gözleg instituty 2025-nji ýylyň esasy reňkini saýlady. Ol şokolad-goňur öwüşginli 17-1230 Mocha Mousse (Mokko Muss) boldy. Hünärmenleriň pikirine görä, bu “duýgularymyzy lezzetler we gözellikler dünýäsine alyp gidýän ýatda galyjy näzik goňur reňk”.
“Ýyly, baý goňur öwüşgin kakaonyň, şokoladyň we kofeniň ýakymly hilini ýada salýar we rahatlyk berýär. Näzik we açyk, ýöne şol bir wagtyň özünde-de sadaja, nusgawy Mocha Mousse goňur reňk baradaky düşünjämizi giňeldýär, ony sadadan we adatylykdan göze ilginç we kaşaň edýär "- diýip beýanynda ýazylýar.
Pantone 2000-nji ýyldan bäri ýylyň reňki baradaky çaklamasyny hödürleýär. Ýylyň reňkini saýlananda moda, dizaýn, tehnologiýa we sungat ugurlaryny emele getirýän sosial, medeni we ykdysady faktorlar seljerilýär. Pantone-nyň hünärmenleri reňkleriň ulanylyşyny interýerden we binagärlikden başlap, media we tehnologiýa çenli dürli ugurlarda öwrenýärler.
2024-nji ýylda Pantone-nyň saýlan reňki Peach Fuzz (Şetdaly tüýjagazy) atly ýumşak, mahmal şetdaly öwüşgini bolupdy.
