Britaniýanyň Kinematografiýa we telewizion sungat akademiýasy BAFTA 2025 baýragyna dalaşgärleriň sanawyny yglan etdi. Bu barada Variety neşiri habar berýär.
Şu ýyl iň köp nominasiýada görkezilen film “Konklaw” boldy – režissýor Edward Bergeriň baş keşbi Reýf Faýnsyň ýerine ýetirmegindäki kartinasy birbada 12 baýraga dalaş edýär. Hususan-da, film “Iň gowy film”, “Iň gowy režissýor”, “Iň gowy aktýor” we “Ikinji plandaky iň gowy aktrisa” kategoriýalarynda bäsleşer.
Ikinji orunda Netflix-iň “Emiliýa Peres” ispan mýuzikli ýerleşdi – bu film 11 nominasiýada dalaşgär görkezildi. Üçlügi Edrien Broudi bilen “Brutalist” jemleýär – 9 nominasiýa.
Şeýle-de, “Zalym”, “Anora” we “Dýuna. Ikinji bölüm” filmleriniň her biri ýedi kategoriýada baýrak üçin dalaş edýär.
Esasy nominasiýalarda dalaşgärler:
Iň gowy film:
- ·“Anora” (Анора)
- ·“Brutalist” (Бруталист)
- ·“Konklaw” (Конклав)
- ·“Düýbünden nätanyş”( Никому не известный)
- ·“Emiliýa Peres” (Никому не известный)
Iň gowy britan filmi:
- ·“Blitz” (Блиц)
- ·“Beýik” (Великая)
- ·“Gaçgy” (Выгон)
- ·“Gladiator 2” (Гладиатор 2)
- ·“Konklaw”
- ·“Söýgüden gan akýar” (Любовь истекает кровью)
- ·“Guş” (Птица)
- ·“Ýowuz hakykat” (Суровая правда)
- ·“Uolles we Gromit: Iň ýowuz ar” (Уоллес и Громит: Самая дикая месть)
- ·“Kneecap”
Iň gowy iňlis dilli däl film:
- ·“Bize yşyk bolup görünýän zatlar” (Всё, что нам кажется светом) – Hindistan
- ·“Mukaddes injiriň tohumy” (Семя священного инжира) – Germaniýa
- ·“Emiliýa Peres” – Fransiýa
- ·“Men henizem bärde” (Я всё ещё здесь) – Braziliýa
- ·“Kneecap” – Irlandiýa
BAFTA 2025 baýragynyň gowşurylyş dabarasy 16-njy fewralda Beýik Britaniýada geçiriler.
