Paint-de obýektleri we fonlary aýyrmak funksiýasy Windows 11-iň hemme ulanyjylary üçin açyldy

  • 18.01.2025 17:44
  • 3.5k+

Microsoft Windows 11 üçin Paint grafiki redaktoryny täzeledi we emeli aň (AI) bilen işleýän, obýekt we fon aýyrýan täze funksiýalary goşdy diýip, TechSpot habar berýär.

Ozal bu gurallaryň ikisi hem Qualcomm Snapdragon X çipleri ýa-da häzirki Intel Core Ultra 200 we AMD Ryzen AI 300 prosessorlary bolan kompýuterlerde bardy, sebäbi aýratynlyklar AI bilen işleýär. Indi täze funksiýalar Windows 11-li köne kompýuterlerde-de işleýär.
"Generatiw aýyrmak" suratdaky gerekmejek zatlary el bilen saýlamaga we aýyrmaga mümkinçilik berýär. Programma şekile görä sazlaşdyryp, boş ýeri awtomatiki doldurýar.
“Fonuny aýyrmak” dury fonly şekilleri döretmegi aňsatlaşdyrýar. Funksiýa öňdäki hatardaky obýekti saýlap, fony arassalaýar we faýly PNG görnüşinde ýatda saklaýar.


Microsoft funksiýalaryň köne enjamlarda birneme haýal işleýändigini we çylşyrymly suratlary gaýtadan işlemegiň artefaktlara sebäp bolup biljekdigini belleýär. Mysal üçin, Snapdragon X-li kompýuterinde obýektleri aýyrmak derrew ýerine ýetýär, beýleki enjamlarda bolsa bu 30 sekunt wagt alyp biler.
Paint-iň täze funksiýalaryny ulanmak üçin Windows 11-i 23H2 wersiýasyny  çenli täzelemeli.


28.11.2025 12:06
2.6k+

Gemini «Google Kartalaryň» ähli hereket režimlerinde elýeterli boldy

Google «Google Kartalarda» ýöriteleşdirilen täze nawigasiýa ulgamyny giňden ornaşdyryp başlady. Indi goşundy awtoulag, pyýada, welosiped hem-de şäher jemgyýetçilik ulag ugruny görkezýän ähli režimlerde emeli aň tehnologiýasy Gemini-ni ulanar diýip, 9to5Google ýazýar...

28.11.2025 11:28
1.2k+

OpenAI öz emeli aňy oturdylan enjamlarynyň ilkinji nusgalaryny döretdi

OpenAI kompaniýasy özüniň emeli aň bilen işleýän enjamlarynyň ilkinji prototiplerini taýýarlady. Bu barada kompaniýanyň baş direktory Sem Altman Apple-iň öňki baş dizaýneri Joni Aýw we Apple-iň merhum baş direktory Stiw Jobsuň aýaly Loren Pauell Jobs bilen söhbetdeşlikde mälim etdi diýip, CNBC habar berýär...

28.11.2025 11:10
3.3k+

Xbox aýakda: Microsoft oýun konsolynyň äheňinde krokslary çykardy

Microsoft kompaniýasy Xbox 360-yň 20 ýyllygy mynasybetli ýönekeý we ýeňil plastik aýakgaplaryň – krokslaryň çäkli sanyny çykardy. Olar konsolyň özboluşly reňklerini öz içine alýar we kontrollýoryň düwmelerine we joýstiklerine meňzeş elementler bilen bezelen...

26.11.2025 14:06
1.5k+

Windows 11 24H2-däki howply säwlik «Prowodnik-de» we «Start» menýusynda bökdençliklere sebäp bolýar

Microsoft Windows 11 24H2 wersiýasynda «Prowodnik» (File Explorer), «Start» menýusy we birnäçe beýleki ulgam böleklerinde bökdençliklere sebäp bolýan çynlakaý säwligiň (bagyň) bardygyny tassyklady. Mesele OS-yň şu wersiýasynda işleýän, eger olarda 2025-nji ýylyň iýul aýynda ýa-da ondan soňky döwürde çykan toplaýjy täzelenmeler gurlan bolsa, şol kompýuterlere täsir edýär...