Režissýor Jeýms Kemeron Empire neşiri bilen söhbetdeşlikde “Awatar: Ot we kül” (Аватар: Огонь и пепел) filminden täze kadrlary paýlaşdy hem-de sýužet barada käbir maglumatlary berdi.
Kadrlaryň birinde Warang atly täze personaž – Kül halkynyň serkerdesi şekillendirilen. Ony “Tagtlaryň oýnundan” Talisa Meýgiriň roly bilen tanalýan Una Çaplin ýerine ýetirer.
“Warang – uly kynçylyklardan geçen halk lideri. Ol bu kynçylyklar bilen taplanan. Biz muny erbetlik diýip hasap etsek-de, ol öz halky üçin ähli zada taýýar. Filmde ýeke-täk gaçjak bolan zadymyz, bu lenç edilen ak bilen gara bölünme boldy. Biz “hemme adamlar erbet, hemme Na’wi gowy” paradigmasynyň çäginden çykmaga çalyşýarys” – diýip, Kemeron belledi.
Warangdan başga-da, filmde Ýel söwdagärleriniň – uly jandarlaryň üstünde bulutlarda gezýän çarwa halkynyň urugy peýda bolar.
Franşizanyň üçünji bölüminiň premýerasy 19-njy dekabra meýilleşdirilýär. Onuň býujeti 250 mln dollara barabar. Öňki bölüm 350-460 mln dollar býujet bilen 2,3 mlrd dollar gazandy. “Awatar 4-üň” 2029-njy ýylyň 21-nji dekabrynda çykmagyna garaşylýar, soňra 2031-nji ýylyň 19-njy dekabrynda “Awatar 5” çykmaly.
