Argentinanyň Mendosa şäherinden Çiliniň paýtagty Santýago şäherine ugur dünýäde iň sarsgynly (turbulent zolagyna düşýän) awiagatnaw boldy. Turbli serwisiniň maglumatlaryna görä, bu ugurda sarsgynlylygyň ortaça görkezijisi 24,684 bal diýlip hasaplandy.
Sarsgynlylygyň derejesi uçaryň howada galdyrýan yzynyň dargama tizligi boýunça kesgitlendi. 0 – 20 bal aralygyndaky görkeziji ýeňil, 20 – 40 – aram, 40 – 60 güýçli, 60 – 80 örän güýçli, 80-den ýokary – aşa güýçli sarsgynlylygy aňladýar.
Umuman, dünýäniň 550 sany iri howa menzilini birleşdirýän 10 müň töweregi ugur öwrenildi.
Ikinji orny 20,214 görkezijisi bilen Kordowa (Ispaniýa) – Santýago (Çili) yklymara gatnawy eýeledi. Üçünji orunda Argentinanyň içinde Mendosa bilen Saltanyň arasyndaky gatnaw ýerleşdi (19,825).
Dördünji orny Argentinanyň ýene bir ugry – Mendosadan San-Karlos-de-Bariloçe tarap ugur eýeledi. Bäşligi Katmandu (Nepal) bilen Lhasanyň (Tibet) arasyndaky Gimalaý daglarynyň üsti bilen uçuş jemleýär.
