Coca-Cola kompaniýasynyň baş müdiri Jeýms Kuinsi ABŞ-nyň saýlanan Prezideni Donald Trampyň wezipä girişmek dabarasy üçin Ak öýüň şekili bolan ýörite çüýşäni sowgat berdi. Bu barada Newsweek habar berýär.
Coca-Cola çüýşesinde şeýle ýazgy bar: “Birleşen Ştatlaryň Prezidentiniň wezipä girişmek dabarasy”, Donald Tramp ady we 2025-nji ýylyň 20-nji ýanwary senesi.
Bu hereket Tramp bilen Coca-Cola-nyň arasyndaky öňki oňşuksyzlyklary göz öňünde tutsaň, möhüm syýasy ähmiýete eýedir. 2021-nji ýylda kompaniýa Trampyň Jorjiýa ştatyndaky saýlawlaryň netijelerine täzeden garamak hereketini ýazgardy. Coca-Cola-nyň özi bu ştatda esaslandyrylypdy.
Muňa jogap hökmünde Tramp Coca-Cola we Jorjiýanyň täze saýlaw kanunyna garşy çykýan beýleki kompaniýalar bilen aragatnaşygy kesmäge çagyrdy. Bu kanun uzak aralykdan ses beriş üçin suratly şahadatnamany görkezmegi talap edýär. Bu öz gezeginde birnäçe kompaniýada nägilelik döretdi.
