Disney+ we Marvel “Gözsüz batyr: Gaýtadan dünýä inen” (Сорвиголова: Рождённый заново) atly super gahryman serialynyň treýlerini köpçülige ýetirdi. Serial 4-nji martda Disney+ akym platformasynda görkezilip başlar.
Serialda baş gahryman kör aklawçy Mett Merdokyň keşbi ýene-de Çarli Koks tarapyndan ýerine ýetirilýär.
Bu serial, 2015-2018-nji ýyllar aralygynda Netflix platformasynda görkezilen “Daredevil” (Сорвиголова) serialynyň dowamy bolup durýar. Täze serialda Merdogyň jenaýat dünýäsiniň lideri Kingpin ady bilen tanalýan Uilson Fisk bilen bolan gapma-garşylygy görkeziler. Kingpiniň keşbini Winsent D’Onofrio ýerine ýetirýär.
Filmde Jezalandyryjynyň (Каратель) keşbinde Jon Berntal, şeýle-de Debora Enn Uoll, Margarita Lewiýewa, Maýkl Gandolfini ýaly birnäçe aktýorlar çykyş eder. Serialyň režissýorlary hökmünde “Aý rysary” (Лунный рыцарь) we “Loki” (Локи) ýaly taslamalaryň üstünde işlän Jastin Benson bilen Aaron Murhed çykyş edýär.
Serialyň birinji möwsümi 9 bölüme bölüner. Taslama eýýämden ikinji möwsüme-de uzaldylyp, onuň surata düşürilişine şu ýylyň içinde başlanar.
