Russiýadan 9 ýaşly Roman Şogjiýew halkara ussat ady üçin talap görkezijisini ýerine ýetiren iň ýaş küştçi boldy. Rekord 2024-nji ýylyň dekabr aýynda Belgradda geçirilen RadnickiChess IM ýaryşynyň jemi boýunça goýuldy diýip, Chess.com habar berýär.
Şogjiýew şol ýaryşlarda mümkin bolan 9 utukdan 7 utuk gazanyp, diňe ýaryşyň ýeňijisi bolan 60 ýaşly türk grossmeýsteri Suat Atalikden utuldy.
Halkara ussat titulyny almak üçin Roman ýene iki ýaryşda netijesini tassyklap, 2400 Elo reýtingine ýetmeli. Adaty küştlerde onuň reýtingi 2349 punkta deň.
Titul üçin ilkinji baly Şogjiýew 9 ýyl 10 aý we 7 gün ýaşynda aldy. Roman şeýle netijäni bir aý giç goýan argentinaly Faustino Oronyň rekordyny täzeledi.
Şogjiýew küşt bilen dört ýaşynda meşgullanyp başlady, ýedi ýaşynda bolsa 9 ýaşa çenli çagalaryň arasynda Russiýanyň çempiony boldy. Ol bu ýaryşda iki gezek ýeňiji boldy, şeýle-de dünýä we Aziýa birinjiliklerinde altyn medal gazandy.
Ol 2024-nji ýylda 10 ýaşa çenli çagalaryň arasynda dünýä çempiony we 11 ýaşa çenli çagalaryň arasynda Russiýanyň çempiony boldy.
