Donno2048 lakamy bilen tanalýan işläp düzüji 1998-nji ýylda Nokia 6110 telefony üçin döredilen meşhur «Змейка» (Ýylan) oýnunyň minimalistik görnüşini taýýarlady. Programmanyň umumy göwrümi bary-ýogy 56 baýt bolup, bu ony QR koda ýerleşdirmäge hem mümkinçilik berýär diýip, TechSpot habar berýär.
MS-DOS üçin taýýarlanan bu oýun iň kiçi arkada oýunlarynyň biri hasaplanýar. Mysal üçin, ýönekeý Hello World programmasy 10 kilobaýt, Pac-Man bolsa 12 kilobaýt göwrüminine eýe. Emma Donno2048-iň oýny juda az göwrümde uly mümkinçilikleri görkezýär.
Göwrüminiň kiçeldilmegi sebäpli oýunda çäklendirmeler bar. Ýylan diňe üç bölekden ybarat we yzyna hereket edilse, oýun gutarýar. Dogrusy, bu ýagdaý oýny has-da kynlaşdyrmak üçin edilen bolmagy ahmal.
Oýun DOSBox we web emulatýorlarynda kadaly işleýär. Emma hakyky MS-DOS ulgamynda oýun has çalt bolup biler. Donno2048 bu derejedäki optimizasiýa ýetmek üçin Crinkler ýaly gurallary ulanypdyr. Oýnuň onlaýn görnüşini oýnap görmek üçin şu salga basyň.
