Hyzmat ediş çäginden daşda: Nokia Aýdan ilkinji telefon jaňyny edip bilmedi

  • 13.03.2025 09:27
  • 3.5k+

Finlýandiýanyň Nokia kompaniýasy Aýdan ilkinji telefon jaňyny amala aşyrmak synanyşygynyň şowsuz bolandygyny habar berdi. Munuň üçin zerur enjamlar Intuitive Machines kompaniýasynyň IM2 missiýasy bilen Athena gonuş modulynda Ýeriň hemrasyna iberilipdi.

Missiýa enjamyň gapdal ýatandygy we Gün panelleri arkaly energiýa alyp bilmeýändigi sebäpli, işini bes etdi.

“Nokia kompaniýasy gonuşdan soň Athena modulynyň Gün panelleriniň ugry bilen baglanyşykly uly energiýa çäklendirmeleri sebäpli, Aýda ilkinji öýjükli jaňy amala aşyryp bilmedi” – diýlip, beýanda aýdylýar.

Muňa garamazdan, öýjükli enjam, her niçigem bolsa, işe girizildi. Enjam 25 minut işläp, buýruklara jogap berdi.
Athena modulynyň gonuşy mart aýynyň başynda bolup, bu aýyň içinde Aýda hususy kompaniýanyň ikinji missiýasy boldy. 2-nji martda Firefly Aerospace hususy aerokosmos kompaniýasynyň Blue Ghost Mission 1 enjamy Aýa üstünlikli gondy.


27.08.2025 15:59
13k+

Kosmosdan alnan suratlar Aziýada gijeki yşyklandyryşyň 10 ýylda näderejede üýtgändigini görkezdi

2014-nji we 2024-nji ýyllaryň dowamynda Aziýanyň çäklerinde gijeki yşyklandyryş kartalaryny deňeşdirmek arkaly soňky on ýylda sebitde emeli ýagtylandyryşyň paýlanylyşynyň näderejede üýtgändigini görmek bolýar. Şeýle kartalar adamyň işjeňligini wizual öwrenmäge kömek edýär...

05.08.2025 23:33
6k+

Ýaponiýa orbitany zibilden arassalamak boýunça halkara düzgünleri taýýarlaýar

Ýaponiýa hemralara we Halkara kosmos stansiýasyna howp salýan kosmos zibillerini aýyrmak üçin halkara düzgünleri işläp taýýarlamagy meýilleşdirýär. Bu barada ýurduň resmi şahslaryna salgylanyp, Kyodo agentligi habar berýär...

05.08.2025 21:50
3.7k+

Blue Origin kriptomilliarder Jastin Sany suborbital uçuşa iberdi

Blue Origin kompaniýasy 3-nji awgustda NS-34 missiýasynyň çäklerinde suborbital uçuşy üstünlikli amala aşyrdy. New Shepard raketasynda uçuşa kriptomilliarder Jastin San we ýene bäş gatnaşyjy iberildi. Uçuş günbatar Tehasdaky kosmodromdan boldy...

22.07.2025 12:18
11k+

La-Palma adasynda planetanyň aýlanyşyny kamera düşürdiler

Kanar adalarynda sekiz sagatlyk taýmlaps düşürildi we onda Ýeriň aýlanyşy görünýär. Wideonyň awtory tinmar_g lakamly Reddit ulanyjysy boldy. Ol La-Palmas adasynda kamera gurnady we Star Adventurer astrotrekeriniň kömegi bilen ony asmanyň bir nokadyna gönükdirdi...