Türkmenistanda Döwlet emläginiň kärendesine, mugt peýdalanmaga (ssuda) berilmeginiň şertnamalaryny bellige almagyň Tertibine üýtgetme girizildi. Türkmenistanyň maliýe we ykdysadyýet ministri degişli Buýrugy çykardy. Ol Türkmenistanyň Adalat ministrligi tarapyndan 10-njy ýanwarda döwlet belligine alyndy. Bu barada Türkmenistanyň hukuk maglumatlar portaly habar berýär.
Üýtgetmä laýyklykda, baglaşylan kärende şertnamalary, olara üýtgetmeleriň we goşmaçalaryň girizilmegi, olaryň möhletiniň uzaldylmagy baradaky ylalaşyklary bellige almak bilen bagly hyzmat tölegli esasda amala aşyrylýar. Hyzmatyň tölegi Kärendesine alyjy tarapyndan tölenilýär, muňa döwlete degişli edara-kärhanalar degişli däldir.
