Las-Wegasda geçirilen CES 2025 sergisinde SmTechLabs kompaniýasy uçýan Manta M4 elektromobilini hödürledi. Bu enjamyň daşky görnüşi “Ýyldyz söweşleri” (Звездные войны) franşizasyndan howa ulagyny ýada salýar diýip, Daily Mail belleýär.
Manta M4 sagatda tizligini 104 kilometre çenli artdyrýar we 150 metre çenli belentlikde uçup bilýär. Ol hem gury ýerden, hem suwly ýerden uçup, gonuşda diňe suwa gonýar.
Ulag serişdesi joýstigiň kömegi bilen dolandyrylýar. Ol üç hereketlendirijini iýmitlendirýän akkumulýatorlardan gelýän elektrik energiýasynyň kömegi bilen howada üç sagada çenli saklanmaga ukyplydyr.
Mundan başga-da, enjam guşlar bilen çaknyşmalaryň öňüni almak üçin ulgam, şeýle-de akulalary gorkuzmak üçin niýetlenen özboluşly ultrases tolkun tehnologiýasy bilen üpjün edildi. Bu bolsa deňiz uçuşlarynda goşmaça howpsuzlyga ýardam berer.
Gurnalan 360 gradus kamera ulanyja uçuş wagty owadan görnüşleri surata düşürmäge mümkinçilik berýär.
Häzirlikçe Manta M4 ABŞ-nyň Federal raýat awiasiýasy edarasyndan uçuş üçin ygtyýarnama almady, bu hem onuň ulanylyşyny çäklendirýär. Muňa garamazdan, işläp düzüjiler ýakyn geljekde ulag serişdesiniň täjirçilik ulanylyşy üçin sertifikatlaşdyrylmagyna umyt bildirýär.
