Beýonse Los-Anjelesde ýangyndan ejir çekenlere 2,5 mln dollar, Disney - 15 mln dollar berdi

  • 14.01.2025 14:26
  • 19k+

ABŞ-nyň meşhur ýyldyzlary we iri kompaniýalary Los-Anjelesiň güýçli ýangyndan ejir çeken ilatyna kömek etmek üçin birleşdiler.

Aýdymçy Beýonse haýyr-sahawat işine 2,5 million dollar goşant goşdy. Pul onuň BeyGOOD gaznasynyň üsti bilen ýangynyň köp öýleri küle öwren ýerleri bolan Altadenada we Pasadenada öýsüz galan maşgalalara kömek üçin gider. Şeýle hem gazna beýleki ilatly nokatlardaky ybadathanalara we jemgyýetçilik merkezlerine goldaw bermegi meýilleşdirýär diýip, Variety ýazýar.
Los-Anjelesdäki ýangynyň zyýanlaryny aradan aýyrmaga kömek üçin iri kino kompaniýalary hem uly hemaýatlaryny berýändiklerini mälim etdiler. Şeýlelikde, Disney Los-Anjelesiň eteklerindäki ejir çeken ilatyna goldaw bermek üçin 15 million dollar bölüp berdi.

“Uolt Disneý Los-Anjelese diňe çäksiz arzuw-hyýaly bilen gelipdi, hut şu ýerde mesgen tutmagy karar edipdi, arzuwlaryny amala aşyrmak we dünýäniň ençeme adamlary üçin juda ähmiýetli üýtgeşik taryh döretmek isläpdi. Biz bu şähdaçyk jemgyýete kyn pursadynda kömek edip bilendigimize buýsanýarys" – diýip, The Walt Disney Company-niň baş direktory Bob Aýger aýtdy.

Paramount Los-Anjelesiň ýangyn gullugy, Kaliforniýanyň ýangyn gaznasy we Gyzyl Haç ýaly betbagtçylyga ýerinde kömek berýän dürli guramalara 1 million dollar bermek kararyna geldi diýip, Variety belleýär.
Mundan ozal uly haýyr-sahawat kömegini yglan edenleriň biri aktrisa Jeými Li Kertis bolup, onuň öz öýi hem betbagtçylygyň bolan zolagynda ýerleşýärdi.
Los-Anjeles okrugynda 7-nji ýanwarda başlanan ýangyn ştatyň taryhynda iň giň gerimli betbagtçylyk boldy. Hökümetiň berýän maglumatlaryna görä, ýangynyň umumy meýdany 16 müň gektardan geçdi. Betbagtçylykda azyndan 24 adam ýogaldy. Ýangyn 12,3 müňden gowrak binany ýok etdi.
Milli howa maglumaty gullugy ýangyny güýçlendirip biljek güýçli ýelleriň 15-nji ýanwara çenli dowam etjekdigini duýdurdy.


16.02.2025 23:56
1.7k+

ABŞ-da ýeralma frisiniň tagamynda dodak boýagy döredildi

ABŞ-da üýtgeşik kosmetika önümi – ýeralma frisiniň tagamynda dodak boýagy çykaryldy. Ol Aýdaho ştatynyň Ýeralma ösdürmek boýunça komissiýasy tarapyndan döredildi we “Fransiýanyň posasy” romantiki adyna eýe boldy...

15.02.2025 15:04
8.8k+

Nýu-Ýorkda haýwanlar tarapyndan çekilen suratlar auksionda satylar

Nýu-Ýorkdaky haýwanat bagy haýwanlar tarapyndan döredilen suratlary satmak üçin auksion geçirer. Edaranyň sosial ulgamlarynda eýýäm käbir işler görkezildi diýip, UPI agentligi ýazýar. 15-nji martda haýwanat bagy...

13.02.2025 23:59
5.2k+

Golliwudda ilkinji gezek zenanlar baş keşpleri ýerine ýetirmek boýunça erkekler bilen deňleşdi

San-Diýegodaky Kaliforniýa ştatynyň uniwersiteti (SDSU) Golliwudyň kinofilm pudagy boýunça jyns deňligi barlagynyň ýyllyk täze netijelerini çap etdi. Barlaga görä, 2024-nji ýylda iň köp girdeji getiren blokbasterleriň...

09.02.2025 01:43
5.8k+

ABŞ-da Linkoln hakyndaky 1915-nji ýyla degişli sessiz filmiň lentasy tapyldy

ABŞ-da tejribelik geçip ýören işgär, taryhy kino arhiwinde gutulary tertipleşdirip ýörkä, tötänlikde Awraam Linkoln hakyndaky 100 ýyl öňki sessiz filmiň lentasyny tapdy. Bu lenta hemişelik ýitendir öýdülýärdi diýip...