“Zalym: Günbataryň jadygöýi barada erteki” (Злая: Сказка о ведьме Запада) mýuzikli ABŞ-nyň sanly prokatynda girdeji ýygymy boýunça täze rekord goýdy. Ilkinji hepdede film 70 mln dollar ýygnady diýip, Universal studiýasy habar berýär.
Öňki rekord “Doganlar Super Mario kinoda” (Братья Супер Марио в кино) multfilmine degişlidi (2023-nji ýylda degişli döwürde 44 mln dollar).
“Zalymyň” dünýädäki umumy girdejisi 683 mln dollara ýetdi we olardan 453 mln dollar ABŞ-nyň, 230 mln dollar halkara bazarlarynyň paýyna düşýär.
Film Gregori Maguaýryň romanyna we 2003-nji ýylyň adybir Brodweý mýuzikline esaslanýar. Režissýor hökmünde Jon M.Çu çykyş etdi. Filmiň dowamy 2025-nji ýylyň noýabr aýyna meýilleşdirilýär.
Şol bir wagtyň özünde, “Mufasa: Şa Ýolbars” Demirgazyk Amerikada 190 mln dollar ýygnap, umumy 540 mln dollar görkezijisinden geçdi. Analitikler ahyrky girdejiniň, takmynan, 600 mln dollar bolmagyna garaşýar. Bu 200 mln dollarlyk býujeti ödemäge mümkinçilik berer, ýöne şeýle netije üç esse köp, ýagny 1,66 mlrd dollar gazanan “Şa Ýolbars” remeýkinden (2019) ep-esli yza galýar. Bu tomaşaçylaryň garyşyk seslenmeleri we “Sonik 3 kinoda”, “Nosferatu” we “Moana 2” tarapyndan çynlakaý bäsleşigiň bolmagy bilen baglanyşdyrylýar.
