Dreamworks studiýasy “Şrek 5” multfilminiň çykjak senesini 2026-njy ýylyň 23-nji dekabryna süýşürdi. Ilkibaşda ýaşyl ogr we beýleki erteki gahrymanlary baradaky animasion franşizanyň dowamy geljek ýylyň iýul aýynda kinoteatrlarda çykmalydy.
Studiýa ony ýarym ýyl yza süýşürmeginiň sebäbini düşündirmeýär. Ähtimal, bu onuň ileri tutmalary bilen baglanyşyklydyr. Indi 2026-njy ýylyň iýul aýyna “Minýonlar 3” filmi meýilleşdirilýär.
Geljekki “Şrekde” baş rollara Maýk Maýers (Şrek), Eddi Mýorfi (Eşek) we Kemeron Dias (Fiona) gaýdyp geler. Filmiň sýužeti gizlin saklanýar, ýöne ol “Şrek ömürlik” we “Ädikli pişik 2” multfilmleriniň wakasyny dowam etdirip biler.
“Şrek” Dreamworks studiýasynyň iň meşhur franşizalarynyň biridir. Ol dünýä prokatynda, takmynan, 3 mlrd dollar gazandy.
