13-nji ýanwarda Londonyň Bäsdeşlik meseleleri boýunça Apelýasiýa Kazyýeti (Competition Appeal Tribunal) Apple kompaniýasyna garşy açylan toparlaýyn kazyýet arzasyna seredip başlady. Millionlarça britan ulanyjylary kompaniýany iOS programma bazarynda monopoliýa döretmekde günäkärläp, 1,5 milliard funt sterling möçberdäki öwez tölegini talap edýärler diýip, Financial Times neşiri habar berýär.
Şikaýatçylaryň bellemegine görä, Apple programmistlere programmalaryny we oýunlaryny diňe App Store-da satmagy talap edýär we her satuwdan 30%-e çenli komissiýa alýar. Olar bu çykdajylaryň sarp edijilere ýüklenýändigini we sanly önümleriň bahasynyň ýokarlanýandygyny öňe sürýärler.
Apple bolsa şikaýatçylaryň talaplarynyň esassyzdygyny we komissiýa tölegleriniň bazar kadalaryna laýykdygyny aýdýar.
Bu Beýik Britaniýada Apple-a garşy edilen ilkinji şikaýat däl. 2024-nji ýylyň noýabr aýynda kompaniýa iCloud abunalygyny mejbury diýip tanatmakda günäkärlenipdi, ol işde bolsa öweziň dolunmagy boýunça gelnen mukdar 3 milliard funt sterlinge barabar bolupdy.
Bilermenleriň aýtmagyna görä, bu işler diňe bir Apple-a däl, eýsem, umumy programma bazarlarynyň düzgünleşdirilişine hem täsirini ýetirip biler.
