12-nji ýanwarda Türkmenistanyň ilçisi Myratgeldi Seýitmämmedow Kataryň Doha Ylym we Tehnologiýa uniwersitetiniň rektory Salem Al Nuaimi bilen duşuşdy. Bu barada Orient habar berýär.
Duşuşygyň dowamynda taraplar geljekde Türkmenistanda ylmy tehnologiýa boýunça bilim berilýän ýokary okuw mekdepleriniň arasynda hyzmatdaşlygy ýola goýmak, tejribe alyşmak, talyplaryň ylmy maslahatlara gatnaşmaklary bilen bagly degişli işleri alyp barmaklygyň ugurlaryny ara alyp maslahatlaşdylar.
Şeýle hem 2024-nji ýylyň fewralynda Türkmenistanyň bilim ministriniň ýolbaşçylygyndaky wekiliýetiň Katar Döwletine amala aşyran iş saparynyň netijeleri agzalyp geçildi.
Ilçi Türkmenistanda 2025-nji ýylda Türkmenistanyň hemişelik Bitaraplygynyň 30 ýyllygy mynasybetli geçiriljek çäreler bilen tanyşdyrdy.
