2025-nji ýylda Phuketde syýahatçylara harytlar we hyzmatlar üçin bitkoin bilen töleg etmäge mümkinçilik berýän synag taslamasy işe girizilýär. Bu barada Tailandyň maliýe ministri Piçai Çunhawajira yglan etdi diýip, 3DNews habar berýär.
Ministr kriptowalýuta synagynyň soňlugy bilen beýleki syýahatçylyk şäherlerine-de ýaýradyljakdygyny belledi.
Maksatnama görä, syýahatçylar öz bitkoinlerini Tailandyň biržasy arkaly hasaba alyp, şahsyýetini tassykladyp biler. Soňra bitkoinler kliring palatasy arkaly taý batlaryna öwrüler.
Ýurtda sanly walýutalaryň ýaýrawy artýar. Huaý Phuen sebitindäki oba hatda “bitkoinleriň şäheri” adyny aldy, bu ýerde ýerli ýaşaýjylar we telekeçiler nagt däl hasaplaşyk üçin satoşileri (bitkoiniň iň kiçi birligi) ulanýar. Şeýle-de, ýerli kofehanada kriptowalýutalary ulanmak boýunça okuw geçirilýär, ýerli dükanlar we köçe kiosklary bolsa töleg hökmünde eýýäm bitkoinleri kabul edýär.
