Hytaýda BMW Brilliance zawodynda G48 kuzowynda BMW X3 krossoweriniň täze wersiýasy öndürilip başlandy.
Autohome-niň habar bermegine görä, bu wersiýanyň aýratynlygy onuň ölçegleriniň ulaldylmagydyr. Ulagyň uzynlygy 4865 mm, ini 1920 mm we teker bazasy 2975 mm. Hytaý modeliniň teker arasy adaty görnüşinden 110 mm uly we BMW X5-iňki bilen deň hasaplanýar.
Ýewropada-da, ABŞ-dada şuňa meňzeş ulag öndürilmeýär. Ulaglary ilkinji gezek şu çärýekde ugradyp başlamak meýilleşdirilýär.
Häzirki wagtda Hytaýda diňe bir modifikasiýa teklip edilýär - BMW X3 30Li. Ol 287 at güýjüni öndürýän 2,0 litrlik benzinli hereketlendirili, 8 tizlikli awtomatiki geçiriş bilen utgaşyklykda enjamlaşdyrylandyr. Geljekde modeliň gerimini giňeltmek meýilleşdirilýär.
Krossoweriň uzaldylan görnüşi, esasanam, içi ýolagçylar üçin giňiş bolan awtoulaglara isleg bildirilýän Hytaý bazarynyň zerurlyklaryny göz öňünde tutup döredildi.
