Täze Xiaomi 15 Ultra smartfony standart görnüşde emeli hemralar arkaly aragatnaşyk goldawyny alar. Enjam iki görnüşde hödürlener diýip, Digital Chat Station atly maglumat çeşmesi habar berýär.
Xiaomi tarapyndan çykaryljak täze smartfonyň bir görnüşi Beidou aragatnaşyk ulgamy arkaly hemra jaňlaryna we hatlara goldaw berse, beýleki görnüşi diňe hemra jaňlaryny goldar.
Mundan öň hem, Xiaomi 15 Ultra smartfonynyň iki dürli görnüşiniň Hytaý Halk Respublikasynyň Senagat we maglumat tehnologiýalary ministrliginiň maglumatlar bazasynda hasaba alnandygy, ýagny C3 şahadatnamasyny alandygy barada habar beripdik. Eger bu maglumat tassyklansa, Xiaomi 15 Ultra hytaý kompaniýasynyň emeli hemra aragatnaşyk funksiýalaryny goldaýan ilkinji smartfony bolar.
