NASA 2009-njy ýyldan bäri ilkinji gezek kosmos obserwatoriýasyny abatlamagy meýilleşdirýär. Astronawt Nik Heýg Halkara kosmos stansiýasynda NICER (Neutron star Interior Composition Explorer) rentgen teleskopyny bejermegiň möhüm ädimlerini öňünden türgenleşip gördi diýip, Phys.org ýazýar.
16-njy ýanwarda açyk kosmosa çykmak meýilleşdirilýär. Ol astronawt Sunita Uilliams bilen bilelikde başga-da birnäçe wezipäni ýerine ýetirer.
NICER teleskopy galaktikalardan we neýtron ýyldyzlaryndan gelýän rentgen şöhlelerini öwrenýär. 2023-nji ýylyň maý aýyndan bäri ol "yşyk syzmakda" kynçylyk çekýär. Zeper ýeten termiki ekranlar detektorlaryň işine päsgel berip, Gün şöhlesini geçirýär. Näsazlygy düzetmek üçin NASA-nyň inženerleri astronawtlaryň elde ýamap biljek ýörite ýamalaryny döretdiler.
Türgenleşikler Hýustonda, NASA-nyň bitarap ýüzýän laboratoriýasynda, ýagny göwrümi 6,2 million gallonlyk ýapyk howuzda geçirildi. Astronawtlar T-handle guralyny ulanyp, ýamalary aýyrmak we ýamamak bilen meşgullandylar. Taýýarlyk zaýalanan ýerleri gözden geçirmegi, abatlamagy we arassalamagy öz içine aldy.
"NICER 2009-njy ýylda hyzmat edilen Hubble kosmos teleskopyndan soň, orbitada hyzmat edilýän ilkinji kosmos obserwatoriýasy bolar" – diýip, missiýanyň esasy barlagçysy Kit Žandro belledi.
