SpaceX 14-nji oktýabrda bolan Starship V2 raketasynyň soňky synag uçuşyndan täze we örän täsirli kadrlary hödürledi. X sosial ulgamynda ýerleşdirilen wideoda missiýanyň iň esasy tapgyrlary – raketanyň uçuşy, basgançaklaryň bölünip aýrylyşy we suwa gonmazdan öň atmosfera girişi görkezilýär.
“Starship on birinji uçuş wagtynda Ýeriň atmosferasyna gaýdyp gelýär. Bu uçuşyň dowamynda ýygnalan maglumatlar tutmak we gaýtadan ulanmak üçin uçuş ýerine gaýdyp geljek indiki Starship missiýalary üçin ulanylar” – diýlip, SpaceX suratlara teswir berdi.
Häzir SpaceX raketanyň we tizleşdirijiniň täze nesliniň – Starship V3-üň üstünde işleýär. Resmi däl maglumatlara görä, bu wersiýanyň ilkinji uçuşy ýylyň ahyryna çenli bolup biler. Eger synaglar üstünlikli geçse, 2026-njy ýylyň ahyryna çenli Starship raketasyny Optimus gumanoid roboty bilen Marsa ibermek meýilleşdirilýär. Bu barada ozal Ilon Maskyň özi aýdypdy.
