Görşi pes adamlar üçin emeli aňly "akylly" hasa tanyşdyryldy

  • 12.01.2025 22:13
  • 3.8k+

"WeWalk" britan startap kompaniýasy görşi pes adamlar üçin niýetlenen “Smart Cane 2” atly akylly, eplenýän hasasyny tanyşdyrdy. Enjam GPT emeli aň modeli esasynda işleýän ses kömekçisi bilen üpjün edilendir. “Emeli aňyň örän peýdaly we üstünlikli ulanylyşynyň az sanly mysallarynyň biri” diýip, Engadget belläp geçýär.

Hasanyň agramy adaty hasadan kän bir tapawutlanmaýar. Ol ses çykaryjy gurluş, mikrofon, päsgelçilikleri ýüze çykarýan ulgam we hereket duýujy enjamlar bilen üpjün edilendir.
Oýlap tapyjylar hemme zady göz öňüne tutupdyrlar: enjamda garaňkyda eýesini has göze ilginç edýän çyra hem ýerleşdirilendir.
Hasa Bluetooth gulaklyklaryna baglanyp bilýär. Ol smartfon bilen baglanyşdyrylandan soň, ulanyjy üçin ýol görkezip bilýär, ugruny kesgitleýär we ýanyndan geçip barýan dükanlaryň ýa-da beýleki ýerleriň ady bilen tanyş edip bilýär. Hasanyň batareýasynyň işleýiş wagty takmynan 20 sagatdyr.
Hasanyň ilkinji alyjylaryna enjamyň ýanwar aýynyň ahyryna çenli gowşurylmagy göz öňünde tutulýar. Bahasy 850-1150 dollar aralygynda üýtgeýär. Arzan görnüşini satyn alan ulanyjylar ses kömekçisinden peýdalanmak üçin aýda 5 dollar tölemeli bolýarlar, emma gymmat görnüşini satyn alanlara ähli funksiýalar goşmaça tölegsiz hödürlenýär.
Mundan öň Waşingtonda ýerleşýän Glidance kompaniýasy hem şuňa meňzeş taslamasyny tanyşdyrdy. Onuň Glide atly akylly hasasy ulanyjynyň howpsuzlygyny üpjün edýän stereoskopik kameralar bilen enjamlaşdyrylandyr. Taýak diňe bir çaknyşyklaryň öňüni almak bilen çäklenmän, gapylary, liftleri, merduwanlary we bordýurlary öňünden duýdurýar, şeýle-de çatryklarda hereketi togtadýar. Emma bu enjam 1500 dollardan hödürlenýär.


düýn 16:39
1.8k+

Alymlar derini, süňkleri we beýleki dokumalary 3D bio çap etmek üçin täze materiallary döretdiler

N.I.Lobaçewskiý adyndaky Milli barlag Nižegorod döwlet uniwersitetiniň himikleri (UNN) derini, süňkleri, gan damarlaryny we beýleki dokumalary 3D bio çap etmek üçin material döretdiler. Bu barada uniwersitetiň metbugat gullugy habar berdi...

12.05.2025 12:31
2.6k+

Alymlar 3D çap usulynda aortanyň ornuny tutýan bio dokumany çap etdiler

Ýel uniwersitetiniň (ABŞ) alymlary zeper ýeten bio dokumalary 3D çap usulynda döredilen bio dokuma bilen çalyşmagyň tehnologiýasyny işläp düzdüler. Synagda çap edilen aorta syçanlara üstünlikli imlpantasiýa edildi, bu bolsa adamlarda ýürek-damar kesellerini bejermekde täze mümkinçilikleri açýar...

09.05.2025 12:06
6.6k+

Inženerler 100 ýyllyk kepillik bilen titandan ruçka döretdiler

Titaner kompaniýasy 100 ýyl hyzmat etjek Dragon Pearl ruçkasyny döretdi. Ol tutuşlygyna diýen ýaly, hatda içki pužiny hem 5-nji derejeli titandan ýasalan. Inženerleriň hasaplamalaryna görä, mehanizm milliondan gowrak gezek basylmaga çydap biler...

20.04.2025 18:25
3.3k+

Singapurda ýagyş damjalaryndan elektrik energiýasyny öndürmegi başardylar

Singapurly alymlar ýagyş damjalaryndan elektrik energiýasyny öndürmegiň usulyny işläp düzdüler diýip, «Interested Engineering» habar berýär. Bu usul suwuklygyň birmeňzeş tizlikde we şol bir ugra tarap turba boýunça hereket edýän mahaly ýüze çykýan porşen akymy täsirinden peýdalanýar...