Tesla-nyň baş müdiri Ilon Mask 2027-nji ýyla çenli azyndan 500 müň sany Optimus atly gumanoid (adam şekilli) robotlary öndürmegi meýilleşdirýär. Ol bu robotlaryň taryhda iň möhüm önüm boljakdygyny aýdýar. Maskyň bu karary, Hytaý bilen bäsdeşligiň güýçlenmegi bilen, Tesla elektromobillerine bolan islegiň peselen döwrüne gabat geldi.
Mask FSD-niň (öz-özüni dolandyrýan ulgamyň) we Optimus robotlarynyň mümkinçilikleriniň Tesla-nyň paýnama bahalaryny ýokarlandyrjakdygyna ynanýar. Onuň pikirine görä, adamlaryň we robotlaryň gatnaşygy geljekde 5-e bir bolup biler, ýagny dünýäde 30 milliard robot ulanylyp bilner.
Tesla, 2026-njy ýylda 50 müňden 100 müňe çenli robot öndürmegi, 2027-nji ýylda bolsa önümçiligi 10 esse artdyryp, 500 müňden 1 milliona ýetirmegi maksat edinýär.
Mask bu robotlaryň Tesla-nyň öňden bar bolan tehnologiýalaryna esaslanýandygyny we olaryň täze müşderileri çekmekde möhüm orun eýelejekdigini belleýär.
