Aktrisa Jeými Li Kýortis Los-Anjelesiň ýangyndan ejir çeken ýaşaýjylaryna kömek üçin 1 million dollar berdi. Şol bir wagtda, 66 ýaşly aktrisanyň özi hem ýangynyň ýakynlaşmagy sebäpli öýüni terk etmeli boldy diýip, Daily Mail ýazýar.
"Men ýanýoldaşym we çagalarym bilen bilelikde bu puly şäherimizi, ştatymyzy we onuň ilatyny goldamak üçin şahsy serişdelerimizden bölüp bermek kararyna geldik" – diýip, ol Instagramda ýazdy.
Kýortis has netijeli kömek bermek üçin Kaliforniýanyň gubernatory Gewin Nýusom, Los-Anjeles şäheriniň häkimi Karen Bas we ABŞ-nyň senatory Adam Şif bilen aragatnaşyk saklaýandygyny aýtdy.
“Häzir meniň ýaşaýan ýerim ýalyn içinde. Pasifik-Paliseýds şäheri tutuşlygyna ýanýar” – diýip, ol Jimmi Fellonyň gepleşigine beren interwýusynda habar berdi. Kýortis dostlarynyň we tanyşlarynyň köpüsiniň öz öýlerini ýitirendigini sözüniň üstüne goşdy.
7-nji ýanwarda başlanan ýangyn diňe bir Los-Anjelesi däl, eýsem onuň ýanaşyk sebitlerini hem gurşap aldy. ABŞ-nyň prezidenti Jo Baýden tebigy betbagtçylyk ýagdaýy režiminiň girizilýändigini yglan etdi. Iň soňky maglumatlara görä, aradan çykanlaryň sany 16-a ýetdi, 10 000-den gowrak öý we beýleki binalar weýran boldy. Köp sanly meşhur adamlaryň we millionerleriň ýaşaýan gözel Pasifik-Paliseýds sebitiniň onlarça mähellesi tüsse burugsap duran harabaçylyga öwrüldi.
57 000-den gowrak bina howp astynda bolmagynda galýar.
