Tesla gözleg maglumatlary boýunça 2024-nji ýylda iň meşhur awtomobil brendleriniň reýtinginde birinji orny eýeledi. Compare the Market kompaniýasynyň habar bermegine görä, amerikaly elektromobil öndürijisi ABŞ, Kanada, Russiýa, şeýle-de birnäçe Ýewropa, Skandinawiýa we Afrika ýurtlarynda bu görkeziji boýunça Toyota bilen BMW-den öňe geçdi.
Toyota Afrika ýurtlarynyň köpüsinde hem-de Awstraliýada meşhurlygyny saklaýar. Ýapon awtoöndürijisi durnukly abraýy we giň model hatary bilen bu sebitlerde öňdebaryjylygyny dowam etdirýär.
Ýewropanyň BMW öndürijisi Aziýanyň we Ýewropanyň käbir ýurtlarynda stil we tehnologiýa taýdan ýokary baha alýar.
Gözlegiň netijeleri elektromobillere geçmäge bolan umumy trendi görkezýär, bu ugurda bolsa Tesla möhüm roly ýerine ýetirýär. Şol bir wagtyň özünde, Toyota we BMW ýaly brendler sarp edijileriň üýtgeýän isleglerine laýyk hereket edip, öz orunlaryny saklamagy dowam etdirýär.
Hünärmenler Tesla-a bolan gyzyklanmanyň, esasan, elektrotransportyň ösmegi we kompaniýanyň işjeň marketing syýasaty bilen baglanyşyklydygyny belleýär. Toyota öz ygtybarlylygy taýdan bäsdeşlige ukyply bolup galýar, BMW bolsa öz innowasiýalary we premium segmenti bilen auditoriýany özüne çekýär.
