Henley & Partners konsalting kompaniýasy pasportlaryň täzelenen indeksini hödürledi. Onda ýurtlar raýatlara barmak üçin elýeterli bolan wizasyz ugurlaryň sany boýunça ýerleşdirilýär. Hünärmenler reýtingi düzenlerinde Halkara howa transporty assosiasiýasynyň (IATA) maglumatlaryna esaslandy.
Iň güýçli pasportlaryň eýeleri Singapuryň raýatlary boldy, olar wizasyz 195 ýurda baryp bilýär.
Ikinji orny 193 ýurt bilen Ýaponiýa eýeledi, üçünji orunda 192 wizasyz ugur bilen birbada alty ýurt ýerleşdi: Finlýandiýa, Fransiýa, Germaniýa, Italiýa, Günorta Koreýa we Ispaniýa.
Singapur geçen ýyl hem birinji orny eýeledi, ýöne şol wagt öňdebaryjylygy bäş ýurt bilen paýlaşypdy – häzir bu ýurtlar ikinji we üçünji orunlara düşdi.
Dördünji orny Awstriýa, Daniýa, Irlandiýa, Lýuksemburg, Niderlandlar, Norwegiýa we Şwesiýa paýlaşdy (191 ýurt). Bäşligi Belgiýa, Täze Zelandiýa, Portugaliýa, Şweýsariýa we Beýik Britaniýa jemleýär (190 ýurt).
Sanawyň ahyrynda Owganystan ýerleşýär, onuň raýatlary wizasyz 26 ýurda baryp bilýär. Şeýlelikde, ol 106-njy orny eýeleýär.
Indekse görä, Türkmenistanyň raýatlary wiza almasyz 50 ýurda baryp bilýär.
Umuman alanyňda, indeks 199 ýurduň pasportyny we 227 ugry öz içine alýar.
