Toyota kompaniýasy Alphard miniweniniň iki sany täze görnüşini - Exquisite Golden Edition-i we Ultimate Golden Edition-i hödürledi. Modeller altynsow reňkli kuzowy we üýtgeşik dizaýny bilen tapawutlanýar. Täze miniwenleriň bahasy degişlilikde 125,4 we 126,8 müň dollar diýip, Speedme ýazýar.
Miniwenleriň interýerinde altyn öwüşginler, agaç mebeller bar. Opsiýalaryna baş ekran, 12,3 dýuýmlyk sanly gural paneli, 14 dýuýmlyk ekranly media ulgam, şeýle hem gyzdyryjyly, şemalladyjyly we iki hatar üçin elektrik sazlaýjyly, nappa deri bezegli oturgyçlar girýär. Elektropriwodly we ýat funksiýaly yzky gapysy ykjamlyk goşýar.
Iki görnüşi hem 2,5 litrlik benzin hereketlendirijisini we E-CVT elektron CVT-ni birleşdirýän gibrid gurnama bilen enjamlaşdyrylandyr. Ulgamyň umumy kuwwaty 250 at güýjüne ýetýär we ýangyjyň ortaça sarp edilişi 100 km üçin 6,3 litr. Modeliň teker bazasy 3000 mm, uzynlygy - 5005 mm.
