Kompaniýanyň enjamlary bilen işlemegi has amatly etmek maksady bilen döredilen Apple Intelligence emeli aň funksiýasy çalt ösýär we eýýäm enjamda has köp ýeri talap edýär diýip, 9to5mac habar berýär.
Ilkibaşda Apple Intelligence-iň iPhone-da, iPad-de we Mac-da işlemegi üçin 4 gigabaýt boş ýer bölünip berildi. Şeýle-de bolsa, iOS 18.2-niň çykmagy bilen ulgam Apple Intelligence üçin eýýäm 7 Gb boş ýer soraýar. Bu ulanyjylaryň funksiýanyň işlemegi üçin enjamlarynda has köp ýer bölüp bermelidigini aňladýar.
Apple Intelligence-iň köp ýer talap etmegi onuň işiniň yzygiderli giňelmegi bilen baglanyşykly. Kompaniýa Siri ses kömekçisini gowulandyrmagyň üstünde işjeň işleýär we iOS 18.4-iň çykmagy bilen Apple Intelligence-iň ýada bolan talabynyň hasam artmagyna garaşylýar.
Ulanyjy maglumatlarynyň iň ýokary howpsuzlygyny üpjün etmek üçin Apple-iň maglumatlary ýerinde gaýtadan işlemäge bil baglaýandygyny bellemelidiris. Şonuň üçin Apple Intelligence-iň ähli funksiýalary bulutda däl-de, gönüden-göni ulanyjynyň enjamynda işleýär.
