23 ýaşly amerikaly sýorfer Alessandro Slebir, takmynan, 33 metr beýiklikdäki tolkuny “boýun egdirdi”. Bu San-Fransiskodan 40 km günorta-günbatarda, özüniň adatdan daşary şertleri bilen tanalýan sýorferler üçin meşhur ýer bolan Maweriksde bolup geçdi.
KSBW teleýaýlymyna beren interwýusynda Slebir beýikligi 12 gatly jaý bilen deňleşip bilýän ägirt uly suw diwarlarynda özüni synap görmek üçin Gawaýiden ýörite gelendigini gürrüň berdi. Slebire diňe bir deňagramlylygy saklamak däl, eýsem tolkun örküjinden ozdurmak başartdy. Muny köp sanly kadrlar hem delillendirýär.
Häzir hünärmenler bu üstünligiň 2022-nji ýylda Portugaliýanyň Nazare kenarlarynda germaniýaly Sebastýan Ştoýdtner tarapyndan goýlan öňki 27 metr rekordy täzeläp biljekdigini ýa-da ýokdugyny barlaýarlar.
“Ewerest dagyny gaýta-gaýta ölçäp bolýar, ol hemişe üýtgewsiz galar. Hatda iň uly tolkun bolsa bary-ýogy birnäçe sekunt dowam edip, soň ýitip gidýär” – diýip, Los Angeles Times bilen söhbetdeşlikde uly tolkunlarda sýorfing boýunça hünärmen Bill Şarp belledi.
