Nýu-Ýork ABŞ-da ilkinji bolup şäheriň merkezine girişi tölegli etdi

  • 08.01.2025 16:10
  • 8.1k+

Nýu-Ýork ABŞ-nyň taryhynda şäheriň merkezine girmek üçin sürüjilere töleg girizen ilkinji şäher boldy. Bu barada Financial Times habar berýär.

Hereketiň iň ýokary derejesinde ýol puly 9 dollar bolar, hereket birneme azalan wagty töleg 2,25 dollardan başlar. Uly bolmadyk ýük ulaglarynyň sürüjilerinden 14,40 dollar, has uly göwrümli awtomobillerden 21,60 dollar alnar.
Täze shema awtomobil gatnawyny 10% azaltmak we jemgyýetçilik ulaglaryny ösdürmek üçin 15 mlrd dollar ýygnamak maksady bilen işlenip taýýarlandy. Şäher transport edarasynyň (MTA) başlygy Ýanno Liber meýilnamanyň bäş ýyl işlenip taýýarlanandygyny belledi.
Manhetten eýýäm köpden bäri ýol dyknyşyklaryndan kynçylyk çekýär. 2024-nji ýylda Nýu-Ýork dünýäniň iň köp hereketli şäheri boldy: awtomobil sürüjileri dyknyşyklarda ýylda ortaça 101 sagat ýitirdi, bu bolsa ykdysadyýete 9,1 mlrd dollarlyk zyýan ýetirdi.
Şeýle-de, tölegiň girizilmegi ekologiýany gowulandyrmaga we şäherlileriň ýaşaýyş hilini ýokarlandyrmaga gönükdirilendir, ýygnalan serişdeleri bolsa metrolary, awtobuslary we beýleki şäher infrastrukturasyny döwrebaplaşdyrmak üçin maýa goýmak meýilleşdirilýär.


26.11.2025 12:21
6.3k+

ABŞ-da energiýany simsiz geçirmek boýunça rekord goýuldy

Star Catcher Industries amerikan startapy lazer şöhlesi arkaly adaty, kommersiýa Gün panellerine 1,1 kW optiki kuwwat geçirmek bilen simsiz energiýa geçiriş boýunça täze dünýä rekordyny goýdy. Synaglar Florida ştatynyň Kennedi adyndaky kosmodromynda geçirildi...

24.11.2025 14:23
11k+

Altyn ätiýaçlygy boýunça ýurtlaryň infografikasy: Merkezi banklar ony çökgünlikden goranmak üçin ýygnaýarlar

Altyn iň ygtybarly we wagtyň synagyndan geçen gymmatly serişdeleriň biri bolmagynda galýar. Bütin dünýädäki Merkezi banklar onuň gorlaryny artdyrmagyny dowam etdirýärler, bu bolsa 2025-nji ýylda metalyň bahalarynyň rekord derejede ýokarlanmagyna getirdi...

19.11.2025 23:16
19k+

Tramp Ak tamda Ronalduny kabul etdi we ony ähli döwrüň iň beýik oýunçysy diýip atlandyrdy

Portugaliýanyň milli ýygyndysynyň hüjümçisi Kriştianu Ronaldu hormatly myhman hökmünde Ak tama bardy we ABŞ-nyň Prezidenti Donald Trampyň maşgalasy bilen tanyşdy diýip, ESPN habar berýär. Sişenbe güni Tramp Waşingtonda Saud Arabystanynyň mirasdüşer şazadasy Muhammed bin Salmany kabul etdi...

13.11.2025 10:46
12k+

ABŞ-da taryhda iň uzak dowam eden "şatdaun" tamamlandy

ABŞ-nyň Prezidenti Donald Tramp ýurduň taryhynda iň uzak dowam eden hökümet işiniň togtadylmagyna (“şatdaun”) nokat goýup, wagtlaýyn maliýeleşdirmäge degişli kanuna gol çekdi diýip, CNN habar berýär. Şeýlelikde, 40 günden gowrak dowam eden federal hökümetiň işiniň togtadylmagy resmi taýdan soňlandy...